1. காய்ச்சலால் அவதிப்பட்டு சாப்பிட முடியாமல் இருப்பவர்களுக்கு பத்திய குழம்பு செய்து கொடுக்கலாம். இது தொடர்ந்து சாப்பிட வாய்க்கசப்பு, வயிற்றுப் புண் நீங்கும். பத்திய குழம்பு எப்படி செய்வது என்பதை பார்க்கலாம்!

    தேவையானவை:
    சுண்டைக்காய் வற்றல் – 10, காய்ந்த மிளகாய் – ஒன்று, புளி – எலுமிச்சை அளவு, கடுகு,வெந்தயம், துவரம்பருப்பு – தலா ஒரு டீஸ்பூன், சாம்பார் பொடி – 2 டேபிள்ஸ்பூன், பெருங்காயத்தூள், கறிவேப்பிலை – சிறிதளவு, எண்ணெய் – 4 டேபிள்ஸ்பூன், உப்பு – தேவையான அளவு.


செய்முறை:
வாணலியில் எண்ணெய் விட்டு கடுகு, வெந்தயம், துவரம்பருப்பு, காய்ந்த மிளகாய், சுண்டைக்காய் வற்றல், கறிவேப்பிலை தாளிக்கவும். இதில் புளியைக் கரைத்து ஊற்றி, சாம்பார் பொடி, பெருங்காயத்தூள், உப்பு சேர்த்துக் கொதிக்கவிட்டு இறக்கினால் பத்தியக்குழம்பு தயார்!
சாதத்துடன் நெய் அல்லது நல்லெண்ணெய் விட்டு, இந்த குழம்பை ஊற்றி பிசைந்து சாப்பிடலாம்!