வெண்மணல் விரித்த அழகான கடற்கரைகள், அழகுமிகுந்த ஆபத்துக்கள் இல்லாத காடுகள், எங்கும் பச்சைப்பசேல் என காணும் நெல் வயல்கள், இந்தியா சாயல்களை தன்னுடைய பண்பாட்டில் உள்ளடக்கிய நாடு தான் இந்தோனேஷியா
அமெரிக்க டாலர் மதிப்பில் இந்தியாவின் பணமதிப்பு, இந்தோனேஷியாவில் ரூ. 14,500. இந்தியாவின் ரூபாய் மதிப்பு, இந்தோனேஷியாவில் ரூ. 200. அதன்படி, நீச்சல் குளத்துடன் கூடிய விடுதி அறைகளின் ஒருநாள் வாடகை 20 அமெரிக்க டாலர்கள் தான். எனினும், இது மிக அதிகம் என்று நினைத்தால் தனிநபர் தங்கிக் கொள்ளும் வகையில் 5 அமெரிக்க டாலர்கள் மதிப்பில் அறைகள் உள்ளன.

இந்தியாவை விட போக்குவரத்து, தங்குமிடம், உணவு என எல்லாமே மிகவ்ம் குறைவுதான். இந்தோனேஷியாவில் சராசரியான மீன் உணவுகளின் துவக்க விலை 3 அமெரிக்க டாலர்கள். சுற்றுலாப் பயணிகளின் போக்குவரத்து தேவைக்காக மோட்டார் சைக்கிள், மிதிவண்டி போன்றவை 5 டாலர் மதிப்பில் வாடகைக்கு கிடைக்குகின்றன. கார் வேண்டும் என்றால், அதற்கு ஒருநாள் வாடகை 15 டாலர்கள். 

டச் காலணியாட்சிக்கால கட்டிடங்கள், பண்டூங் நீர்வீழ்ச்சி, அழகிய நகர் சுராபயா, பழங்கால மசூதிகள், பிரம்மாண்ட கட்டிடங்களுக்கு இடையே ஓடும் கால்வாய்கள், பாலித் தீவு, உயர்ந்த மலிகள், பச்சை பசேல் இருக்கும் பள்ளத்தாக்குகள், உளுவாட்டு மலைக்கோவில் போன்றவை இங்கே பார்த்தே ஆகவேண்டிய இடங்கள்.

தவிர, கிராமப்புற பகுதிகளுக்கு போனால் அங்கே நெல்சாகுபடி, மீன் பிடித்தல், சமையல் போன்றவற்றை பார்க்கும் போது புதிய அனுபவமாக இருக்கும். இங்கு இருக்கும் சாலையோர கடைகளும் மிகவும் பிரபலம். பெரிய உணவகங்களில் கூட இங்கு கிடைக்கும் உணவின் சுவைக்கு ஈடாகாது.

லம்பக் என்கிற ஆயிரக்கணக்கான தீவுகளின் தொகுப்பு, சரித்தர ஆர்வலர்களை கவரும் செமரங், 1800 ஆண்டுகாலம் பழைமையான கோயில்கள் போன்றவற்றை நீங்கள் பார்த்தால், அதன் அழகுடன் அப்படியே ஒன்றிப் போய் விடுவீர்கள்.

இந்தியர்களின் பாஸ்போர்ட்டுக்கு இங்கு செல்வாக்கு அதிகம். அதனால் விசா எடுத்துவிட்டு தான் இந்தோனேஷியாவுக்கு செல்ல வேண்டும் என்பது கிடையாது. அங்கே சென்ற பிறகும் விசா பெறலாம். இங்கே இன்னும் பல நாட்களுக்கு வெயில் பாதிப்பு இருக்கும். அதிலிருந்து தப்பிக்க உடனடியாக இந்தோனேஷியாவிற்கு சென்றிடுக…