தல என ரசிகர்களால் அழைக்கப்படும் நடிகர் அஜித்நடிப்பை தாண்டி பைக், கார் பந்தயங்களில் கலந்து கொண்டு பல்வேறு பரிசுகளை வென்று அசத்தியுள்ளார்.
நேர்கொண்ட பார்வை படத்தைத் தொடர்ந்து, தல அஜித்தை வைத்து இயக்குனர் வினோத் அஜித்தின் 60ஆவது படத்தை இயக்க உள்ளார். 
விஸ்வாசம் படத்தைத் தொடர்ந்து தல அஜித் இயக்குனர் வினோத் இயக்கத்தில் பிங்க் படத்தின் தமிழ் ரீமேக்கான நேர்கொண்ட பார்வை படத்தில் பிஸியாக நடித்து வருகிறார். இப்படம், வரும் ஆகஸ்ட் 10ம் தேதி திரைக்கு வரவுள்ளது. இதில், அஜித்துடன் இணைந்து வித்யா பாலன், ஷ்ரத்தா ஸ்ரீநாத், ஆதிக் ரவிச்சந்திரன், ரங்கராஜ் பாண்டே, டெல்லி கணேஷ் ஆகியோர் பலர் நடித்து வருகின்றனர். போனி கபூர் தயாரிப்பில் உருவாகி வரும் இப்படத்திற்கு யுவன் சங்கர் ராஜா இசையமைத்துள்ளார். 



அஜித் வென்ற கார் பைக் பந்தைய விருதுகள்:
பந்தையை கார்கள் ஓட்டும் போட்டியில் மும்பை, சென்னை, டெல்லி என பல இடங்களில் நடந்த போட்டிகளில் கலந்து கொண்டுள்ளார் அஜித். அதோடு சர்வதேச அளவில் நடக்கும் பார்முலா 1 கார் பந்தயத்தில் கலந்து கொண்டவர்களில் அஜித்தும் ஒருவர்.

2003ல் பார்முலா ஆசிய BMW போட்டியிலும், 2010ல் பார்முலா 2 போட்டியில் அர்மன் இப்ராஹிம் மற்றும் பார்த்திவா சுரேஷ்வரன் ஆகியோருடன் கலந்து கொண்டுள்ளார்.

நேசனல் மோட்டார் சைக்கிள் சாம்பியன்ஷிப் போட்டியில் குரூப் சி 110 சி பிரிவில் 5வது இடம்பிடித்துள்ளார்.

இருவர் சேர்ந்து ஓட்டு கார் பந்தயத்தில் 23 செப்டம்பர் 1990ல் பங்கேற்றவர்.

2002ல் இந்தியாவில் நடந்த பார்முலா சிங்கிள் சீட்டர் கார் பந்தயத்தில் 4வது இடம்பிடித்தார்.
2003ல் பார்முலா ஆசிய BMW போட்டியில் 4வது இடத்தை பிடித்தார்.

2004ல் நடந்த பிரிடிஷ் பார்முலா 3 போட்டியில் இரண்டு இடங்களில் நடந்த போட்டியில் பெஸ்ட் பினிஷின் 3வது இடம்.

ஐரோப்பிய சாம்பியன்ஷிப் போட்டியில் 2010 பெஸ்ட் பினிஷ் 13வது இடம்.